Komunikadu Impresa
Loron Tersa feira, dia 16 de Febreiru de 2021
relasiona ho situasaun atual ba pandemia covid-19 ne’ebe ho kazu positivu hamutuk 40 pesoas tuir data atual ne’ebe Ministeriu Saude-MS Publika. MS mos deskonfia bele iha ona transmisaun lokal liu-liu iha areas fronteiras tamba tuir informasaun husi media katak iha pesoal balun mak hetan ona kazu pozitivu Covid-19.
Ho desizaun MEJD liu husi Diretor jeral pre-eskolar enisinu basiku no ensinu rekorente,hodi suspende temporariamente atividades aula presensial.
Ho deklarasaun husi MEJD ba suspensaun eskola sira iha liña fronteira sira kompostu husi munisipiu tolu Bobonaro, Covalima no RAEOA, TLCE apoiu desizaun ida ne’e.
TLCE Husu Ba MEJD:
Kontinua hakbi’it liu tan kobertura programa eskola ba uma,
Sosializasaun kontinua ba inan aman sira,
Distribuisaun livrus ba iha estudantes sira iha areas fronteira,
Kontinua Programa Eskola Ba Uma liu husi fontes oi-oin,
Halo preparasaun maximu ba fasilidade Hijiene wainhira aula prezensial hahu normal depois de suspensaun.
