Relatóriu Análiza Impaktu Siklone Seroja 4-5 Abril 2021 ba Setór Agrikultura no Setór Edukasaun lansa iha salaun Larigutu, CNE iha loron sexta, 02 Jullu 2021. Lansamentu ne’e hahu ho apresentasaun relatóriu husi Setór Edukasaun ne’ebé apresenta husi Koordenador Timor Leste Coaliation for Education (TLCE) Jose Monteiro no Setór Agrikultura husi Koordenador Rede HASATIL Gil Horacio Boavida. Iha apresentasaun Relatóriu Análiza Impaktu Siklone Seroja ba Setór Edukasaun iha Timor Leste, eskola hat nulu resin lima (45) mak afetadu, husi numeru ne’e eskola rua (2) mak kategoria estragus grave hanesan eskola EBC Kasnafar no EBC Osso-Huna no eskola hat nulu resin tolu (43) mak kategoria estragus nato’on no kiik. Husi Estragus ne’e mak hanesan infraestrutura eskola, mobiliarius, materiais aprendizajazem no fasilidades apoiu eskola nian.
Iha atividade Lansamentu relatóriu ne’e marka mos prezensa husi Vise Ministru Edukasaun Joventude e Desportu (MEJD) Antonio Guterres, Ministériu Agrikultura no peska reprezenta husi asesor prinsipal Fremencio Araujo, Gabinete Apoio Sociadade Sivíl (GASC) reprezenta husi Edvin Noronha, UN Resident Coordinator Roy Trivedy no representante ONG nasional.
