Koordenador EBF Bidau Massau fo nia komentariu wainhira dadalia ho media TLCE nian, hateten katak tinan barak nia laran mak eskola ne’e Rai Udan Be’en ba Hari’is fatin no fase liman durante iha pandemia Covid -19 nia laran, nia tenik tuir katak wainhira undan tun husi Janeiru to’o Abril ami fokus rai udan be’en ba tempu naruk nia laran, rai udan be’en ne’e ami halao ona iha tinan barak nia laran, se wainhira uza hotu ona be’e ne’e, posibiliidade ami husu ba estudante ne’ebe mak besik eskola sira hodi kuru be’e mai ba nesesidade hari’is fatin nian
21/05/021, Tuir media TLCE observa katak, tebes ne’e mak realidade EBF Bidau Massau infrenta, eskola ne’e rasik iha tanke (profil) be’e bo’ot ida, ne’ebe mak tulun husi Plan Internasional hodi uza fase liman durante iha pandemia Covid-19 nia laran maibe la iha be’e.
Iha parte seluk Koordenador EBF Bidau Massau Sr. Jose Gusmão ida ne’e mos lamenta nia prekupasoens ba governu liliu ba MEJD relasiona ho eskola EBF Bidau Massau nia problema mak be’e mos, menus sala de aula, menus profesor, plafon sira komesa dodok no monu sai tiha. Nia rekomenda ba governu liliu MEJD atu rezolve problema eskola ne’e ho seriu tamba ida ne’e mak nesesidade estudante nian no mos profesor sira nian.
media officer TLCE : Melcior Fernandes
