Iha dia 29-31 fulan Jullu tinan 2020, TLCE implementa sosializasaun auditoria sosial iha Munisipiu Aileu Postu Remexio no Lequidoe, fatin iha kada salaun postu administrativu rua refere, iha sosializasaun hetan partisipasaun husi Unidade Auditoria Sosial, autoridade postu administrativu no komadante eskuadra kada postu administrativu. objetivu ba sosializasaun ne’e mak hodi hasae konesimentu komunidade nian kona ba servisu auditoria sosial no ninia benefisiu ba dezemvolvimentu lokal sira
Ba atividade sosializasaun ida ne’e TLCE fo fiar ba ONG Tau matan ba Tranparansia TAMAT hodi organiza ba atividade ida ne’e, ONG TAMAT hanesan membru TLCE ne’ebe existe iha Munisipiu Aileu, komunidade ne’ebe mak partisipa iha atividade ne’e maioria idade produtivu mesak joven deit, tuir ami nia hare katak partipante husi komunidade ne’e ho antusiasmu hodi tuir sosializasaun ba auditoria sosial ne’e, komunidade rasik kria grupu auditoria sosial iha momentu ne’eba, grupu hamutu 8 husi kada suku, hirak ne’e mak hanesan tuir mai ne’e: grupu auditoria suku Acumau, suku Faturaca, suku Fahisoi, Suku Liurai, suku Betulau, suku Namaleso, suku Faturilau no grupu auditoria sosial suku Acubilitoho, iha biban ne’e grupu ne’ebe mak konsegue indetifika dezafius no progresu dezemvolvimentu setor edukasaun iha kada suku, hodi halo aprezentasaun ba partisipante tomak.
