Iha dia 27 fulan Outubro tinan 2020 TLCE halao hela formasaun ba grupu auditores, formasaun ne’e kontunuidade husi sosializasaun auditoria sosial, iha momentu estabelese grupu hodi ida ne’e TLCE kontinua fo formasaun ba grupu auditoria sosial ne’ebe mak estabelese ona, fatin salaun enkontru postu administrativu Remexio, formador kontente ho antusiasmu no vontade grupu auditores nia foku hodi tuir formasaun ne’e. formasaun ida ne’e ho ninia natureza rasik objetivu katak forma grupu auditores nia konesimentu hodi aumenta sira nia konesimentu ho adekuadu ba prosesu auditoria sosial iha kada suku ne’ebe sira moris ba.
grupu ne’ebe mak tuir formasaun ne’e mak mai husi grupu auditoria sosial suku Acumau, suku Faturaca no grupu auditoria sosial suku Liurai, depois de formasaun hotu formadores pratika kedas ba terenu relasiona ho dezafius no progresu edukasaun iha grupu ida-idak nia suku durante loron rua no ninia rezultadu halo aprezentasaun mai formador husi TLCE.
