Koordenador Nasional TLCE rekomenda ba Ministeriu Edukasaun hahu ba oin tenke foku ona ba be’e mos iha eskola teritoriu timor laran tomak, tamba be’e importante tebes ba ita nia estudante sira iha eskola hodi uza ba tein merenda eskolar, uza ba haris fatin no fase liman, imoportante tebes hodi asegura saude hijiene pesoal ho garante saude seguru ba ita nia estudante sira durante iha pandemia COVID-19 ne’e nia laran no ba futuru.
Iha teritoriu timor laran tomak eskola 30% mak seidauk hetan be’e mos, eskola sira ne’ebe mak hetan asesu be’e mos ne’e fahe ba oin tolu mak hanesan tuir mai ne’e:
1). Eskola Asesu be’e mos hamutuk ho komunidade (uza hamutuk be’e) hamutuk 50%
2). Eskola asesu be’e ho diak hamutuk 20%
3). Eskola la asesu liu ba be’e mos hamutuk 30%
Eskola kuaze 30% sira ne’e tenke asesu ho distansia atus lima ba leten mak foin kuru be’e tein hahan estudante sira nian ka tein ba merenda ekolar nian, siknifika be’e la iha liu. Koordenador nasional TLCE hateten katak eskola sira ne’ebe mak la asesu be’e tamba eskola ne’e hari’i fali iha foho leten taun be’e atu dada sae ba susar tebes, forsa be’e la to’o maibe eskola balun iha rai tetuk no villa laran be’e la iha signifika governu seidauk iha seriu ba problema be’e mos iha eskola sira.
editor : Melcior Fernandes
