Iha dia 15 fulan Janeiru tinan 2021, sekretariadu nasional TLCE konvoka enkontru entre Koordenador nasional TLCE ho estrutura konsellu tomak.
objetivu ba enkontru ne’e mak atu update rezultadu servisu durante fulan tolu nian no ninia kontuinidade servisu TLCE nian ba futuru.
pontus importante ba enkontru ne’e mak hanesan tuir mai ne’e: 1) Asina akta ba lelaun kareta TLCE nian ne’ebe mak durante ne’e kondisaun a’at ona no paradu iha benkel, iha tinan kotuk tlce loke informasaun ba publiku no membru tlce sira relasiona ba lelaun kareta ida ne’e maibe, publiku ho membru tlce la iha interese ba kareta ida ne’e, tamba ida ne’e aktual koordenador nasional tlce tawar ho folin $1500.00 ba konsellu, ho ida ne’e konsellu konkorda ho folin ida ne’e no ohin asina ona akta katak validu ona patrimoniu privadu laos ona tlce nian.
2) update website ba konsellu sira katak tlce iha ona website ida hodi fasilita rai dokumentus no publika informasaun no dokumentu relasiona ho servisu tlce nia iha area edukasaun ba publiku sira. (foin dadauk iha fulan Dezembru tinan 2020 konsege promove website ne’e iha retirio nasional sosiedade sivil nian iha Centro Convensoens Dili CCD)
3) emprestimu ne’ebe Ministeriu Finansas halo hodi apoia ba Ministeriu edekusaun hodi finansia ba Projetu Best.
4) Iha tinan ne’e TLCE sei halao estudu avaliativu ba Eskola teknika Vokasional (ESTV) iha teritoriu timor laran tomak, (total ESTV Timor-Leste hamutuk 41), no iha fulan Janeiru no Febreiru TLCE sei implementa Foku Diskusaun Grupu ka FDG hamutuk ho Diretores ESTV iha munisipiu Baucau, Dili no Same.
iha biban ne’e Presidente konsellu sr. Augustu Pires admira ba servisu TLCE no kongratula tebes ba servisu sekretariadu TLCE nian tamba durante pademia covid-19 no ate agora tlce servisu tebes ba iha area edukasaun nian.
