Ohin dia 22 fulan Janeiru tinan 2021, oras tuku 02:30-05:30 fatin salaun enkontru FONGTIL, TLCE halao Foku Diskusaun Grupu-FDG hamutuk ho Diretores eskola tekniku vokasional sira iha munisipiu Dili. diretores ESTV ne’ebe marka prezensa iha atividade ida ne’e mak hanesan Diretor ESTV PESCA ATAURO, ESTV HERA, ESTV 28 DE NOVEMBRO BECORA DILI, ESTV HOTELARIA E TURISMO DE DILI, ESTV-GTI BECORA DILI no Diretor ESTV COMERCIO BECORA DILI.
Iha biban ida ne’e mos hetan partisipasaun husi Unidade Auditoria Sosial-UAS, RENAS no Sindikatu Profesor Timor Leste-SPTL,Objetivu ba FDG ida ne’e, TLCE hakarak rona direita husi progresu no dezafius Konversaun ensinu sekundariu geral-ESG ba eskola tekniku vokasional-ESTV iha munisipiu Dili nian. Tuir planu TLCE sei halao FDG ho diretores ESTV sira iha munisipiu Baucau no Same iha fulan Febreiru ne’e nia laran, husi foku diskusaun grupu hirak ne’e sei ajuda TLCE hodi susesu iha estudu avaliativu ba politika estabelesimentu ESG muda ba ESTV iha teritoriu Timor laran tomak tantu hare ba nia infrastrutura tomak, fasilidade pratikas, rekursus humanus-profesores, kurikulum no seluk-seluk tan, ne’ebe relasiona ho estudante no profesores sira nia preokupasaun.
editor : Melcior Fernandes
