Ensino Basico Filial EBF 1,2 de Ira-Ara lokaliza iha aldeia Ira-Ara, suco Parlamentu, Postu Administrativu Lautem, Munisipiu Lautem.
Kondisaun infrastruturamente aula tolu mak la favoravel, Profesor Feliz da Costa tenik tuir katak aula tolu ne’e kontrui husi forsa Australiano no FFDTL sira ho karater emerjensia, estudante 2° ano ate 4° ano mak uza sala ne’e, estudante sira seluk uza eskola foun, maibe ate ogora kondisaun a’at ona, lantai ho triblek maibe a’at hotu ona no inisiativa husi profesor sira lalin rai hodi halo tetuk ba sala laran, odamatan no janela a’at hotu ona.
Profesor Feliz da Costa tenik tuir tan katak durante ne’e eskola EBF 1,2 de Ira-Ara mos difikulta be’e mos, morru no kondisaun dapur tein ba merenda eskolar nian. Iha tempu naruk nia laran ami uza be’e mos ho komunidade maibe volume be’e la to’o entaun obriga ami hodi alunus sira tenki lalin be’e mos ho Jerigen hodi ense be’e ba tenke haris fatin ho distansia kuaze 40 metros. Kondisaun dapur ba tein merenda eskolar grave, tuir media TLCE nia observasaun katak kondisaun dapur taka ho kalen, didin ho kalen no kesi ho tali, kondisaun iha dapur laran nakonu ho animal nia te’en ne’ebe mak komunidade aldeia Ira-Ara husik livre, iha area koredor eskola mos Karau sei domina. Profesor ne’e lamenta mos animal ne’ebe komunidade husik livre tamba impaktu animal nia te’en ba saude estudante sira nian, problema hirak ne’e hotu, dia 31/01/2021 fatin area eskola EBF 1,2 Ira-Ara Profesor ne’e sugere ba MEJD hodi tau atensaun ba asuntu nebe mensiona iha leten ne’e ho seriu.
Foto no diskrisaun
ba 2 ho triblek, laran nahe ho rai
Editor : Melcior Fernandes
